एसईईको नतिजा सार्वजनिक, ९६३३ जनाले ल्याए उच्च जीपीए

काठमाडौं । एसईईको नतिजा सार्वजनिक गरेको छ ।

राष्ट्रिय परीक्षा बोर्डले बुधबार दिउँसो नतिजा सार्वजनिक गरेको हो । ५ लाख १४ हजार ७ सय ६० जना विद्यार्थीको नतिजा प्रकाशित भएको बोर्डले जनाएको छ । जसमध्ये उच्च जीपीए ल्याउन नौ हजार ६३३ जना रहेका छन् ।

गत ९ वैशाखदेखि सुरु भएको परीक्षामा ११ हजार ६१५ विद्यालयका पाँच लाख १४ हजार ७ ६० जना परीक्षार्थी सहभागी थिए । देशभरका दुई हजार ७०० परीक्षा केन्द्रबाट उनीहरुले परीक्षा दिएका थिए ।

नतिजा सार्वजनिक गर्नुअघि परीक्षा बोर्डको बैठक बसेको थियो ।

कोरोना भाइरसको महामारी फैलिएपछि दुई वर्षसम्म भौतिक उपस्थितिमा परीक्षा भएको थिएन । विद्यार्थीहरुको आन्तरिक मूल्यांकन गरेर नतिजा सार्वजनिक गरिएको थियो । तर यसवर्ष भने बोर्डले परीक्षा संचालन गरेको थियो ।