बुटवल । श्रावण एक गते देखि १ महिनाको लागि सञ्चालन गरिएको स्वास्थ्य सिबिर सम्पन्न भएको छ । सहयात्रा राष्ट्रका लागि युवा र सैनामैना जेसिस रोटार्याक्ट क्लब अफ कोटिहवाको संयुक्त आयोजनामा सञ्चालित निशुल्क स्वस्थ्य सिबिर आज सम्पन्न भएको हो ।
३० दिन चलेको सिबिरमा ५हजार ९८० जनाले स्वस्थ्य लाभ लिएको आयोजकले जनाएका छन् । सो अवधिमा २ हजार ७४५ जनाको सुगर परिक्षण गरिएको टिचिङ अस्पताल मनोरोग बिभागका डाक्टर निकोलस भुसालले जानकारी दिए । उनको नेतृत्वमा यसअघि झापा देखि दार्चुला सम्म ४३८ वटा स्वस्थ्य सिबिर सञ्चालन गरिएको पनि उनले बताए ।
भुसालका अनुसार सिबिरमा १ हजार ७८३ जना रुघा खोकिका बिरामी, १ हजार ५६४ जना हाड जोर्नी सम्बन्धी, १ हजार ३५४ जना टाउको र नसा सम्बन्धी, १ हजार ३२३ छाला सम्बन्धि, ७६८ स्त्री प्रसुतीका तथा ६५४ जना मनोरोगका बिरामीको स्वास्थ्य परीक्षण गरिएको थियो । त्यसैगरि सर्जरी सम्बन्धि ५४५ जना, नाक कान घाँटी सम्बन्धी १ हजार ३८७ जना र आँखा सम्बन्धि ४०० जना बिरामीले सिबिरबाट सेवा लिएका थिए ।
स्वस्थ्य नेपाल खुसी नेपाली अभियान अन्तर्गत सिबिर सञ्चालन गरिएको उल्लेख गर्दै डा. भुसालले सबैको स्वस्थ्य र शिक्षामा सबैको पहुँच पुर्याउनु मुख्य उद्देश्य रहेको बताए ।
प्रतिक्रिया