पाल्पा । मध्यरातमा ट्रक चालक र सहचालकमाथि आक्रमण गर्न खोज्ने मध्यका एकजना युवकको ट्रकबाट खसेर मृत्यु भएको छ । मध्यराती बुटवलबाट पाल्पा तर्फ जाँदै गरेको ट्रकलाई बाटो छेकी आक्रमण गर्ने युवाहरु मध्य तानसेन ८ जरेपिपलका २५ वर्षिय विक्रम श्रेष्ठको ट्रकबाट खसेर मृत्यु भएको हो ।
प्हरकिा अनुसार मृतक श्रेष्ठकै जन्मदिन मनाएर मदिरा सेवन गरि सडकको बिचमा सुतिरहेको अवस्थामा बुटवलबाट पाल्पा तर्फ गइरहेको ग २ ख १०१५ नम्बरको ट्रकले हर्न बजाएर बाटो छाड्न संकेत गरेकोमा श्रेष्ठ सहितका ३-४ जना युवाले ट्रक चालक र सहचालकलाई आक्रमण गर्नेक्रममा ट्रकबाट खसेर घाईते भएका श्रेष्ठको उपचारका क्रममा मृत्यु भएको प्रहरीले जनाएको छ । उनको लुम्बिनी मेडिकल कलेज प्रवासमा मृत्यु भएको हो ।
प्रहरीले ट्रक सहित चालक र सहचालकलाई नियन्त्रणमा लिएपनि ट्रकमाथि आक्रमण गर्ने अन्य युवाहरुलाई भने पक्राउ गरेको छैन । घटनामा संलग्न युवाहरु प्रहरीको सम्पर्कमा रहेको र अनुसन्धान भइरहेको पाल्पा प्रहरीका निमित्त प्रवक्ता प्रहरी निरीक्षक गौतम बोहोराले बताए ।
प्रतिक्रिया