बुटवल । बुटवलको लुम्बिनी शिक्षालयसहित ३ संस्थाको संयुक्त आयाजनामा शुक्रबार बुटवलको ज्योतिनगरमा वृक्षारोपण सम्पन्न गरेको छ ।
बुटवल-९ कालिकानगरमा अवस्थित लुम्बिनी शिक्षालयका विद्यार्थीहरुको सहभागितामा लायन्स क्लब अफ बुटवल पिस र लायन्स क्लब अफ लुम्बिनी ईन्जिनियर्सले संयुक्त रुपमा वृक्षारोपण गरेका हुन् ।
बुटवलको पहिरो रोकथामका लागि दिर्घकालिन योगदान पुग्नुका साथै वातावरण संरक्षणका लागि वृक्षारोपण गरिएको लुम्बिनी शिक्षालयका प्रिन्सिपल पुस्कर थापा क्षेत्रीले जानकारी गराए । करिब ८० जना सहभागीहरुबाट करिब ३ सय विरुवा लगाइएको थियो ।
तेजपत्ता, बाँस लगायत प्रजातिका विरुवाहरु लगाइएको थापाले जानकारी दिए । लायन्स क्लब अफ बुटवल डिस्ट्रि ३२५ पी का डिस्ट्रिक सल्लाहकार कुसुमराज ज्ञवाली विरुवा लगाउनुभन्दा यसको संरक्षण महत्वपूर्ण विषय भएको उल्लेख गरेका थिए । पहिरो क्षत्रमा लगाइएका बोट विरुवा संरक्षणका लागि सरकारले समेत ध्यान दिनु पर्ने उनले बताए ।
यसैगरी क्लबका जोन चेयर पर्सन (रिजन ८ जोन १७) का मनिष खनाल, ज्योतिनगर क्षेत्र बिकास परिषद, टोल बिकास संस्था तथा पहिरो नियन्त्रण समितिका अध्यक्षहरुको कार्यक्रममा सहभागिता रहेको थियो । कार्यक्रमलाई संयोजन गर्ने आयोजक संस्थाका अमित खनालले वृक्षारोपणका कार्यक्रमलाई निरन्तरता दिँदै यसको संरक्षणमा समेत जोड दिए ।
प्रतिक्रिया