बुटवल । बुटवलको ईट्टाभट्टी स्थित एक होटलबाट पेस्तोल सहित एक जनालाई प्रहरीले पक्राउ गरेको छ । आज मध्यान्ह १२स्३० बजे स्थानीय नमोबुद्ध होटलको १०४ नम्बरको कोठाबाट बाग्लुङ दगातुडाँडा १ स्थायी घर भई बुटवल उप(महानगरपालिका वडा नं. ८ सुख्खानगर बस्दै आएका ३३ वर्षिय सन्त्तोष सलामीलाई प्रहरीले पक्राउ गरेको हो ।
गोप्य सूचनाका आधारमा सलामीलाई वडा प्रहरी कार्यालय बुटवल रुपन्देहीबाट खटिएको प्रहरी टोलीले पक्राउ गरेको रुपन्देही प्रहरीले जनाएको छ । सलामीबाट काठको बिँड भएको रिभल्वर पेस्त्तोल थान १, रिभल्वर पेस्त्तोलमा लोड भएको गोली १ थान र अन्य थान २ गोली बरामद भएको प्रहरीले जानकारी दिएको छ ।
पक्राउ परेका सलामीलाई आवश्यक अनुसन्धान पश्चात जिल्ला अदालत रुपन्देहीबाट म्याद थप अनुमती लिई थप अनुसन्धान कार्य भईरहेको पनि प्रहरीले जनाएको छ ।
प्रतिक्रिया