६ श्रावण २०८१, आइतबार | July 21, 2024

काभ्रेमा चाडवाड लक्षित महोत्सवको आयोजना



काभ्रेपलाञ्चोक । नेपालीको महान् चाड दशैँको पूर्वसन्ध्यामा काभ्रेपलाञ्चोकका दुई स्थानमा महोत्सवको आयोजना गरिएको छ । जिल्लाको मुख्य व्यापारिक सहर बनेपा र कृषि सहर पाँचखालमा महोत्सव सुरु गरिएको हो ।

काभ्रे उद्योग वाणिज्य सङ्घले नेपालीको महान् पर्व दशैँका अवसरमा बनेपामा आयोजना गरेको पाँचौँ काभ्रे महोत्सवमा परम्परागत कला-संस्कृति, औद्योगिक व्यापार, घरेलु, कृषि, पर्यटन प्रवद्र्धन गरिने जनाएको छ । ‘व्यावसायिक लगानी अभिवृद्धि, काभ्रेको समुन्नति र समृद्धि’ भन्ने नाराका साथ आयोजित महोत्सवको बागमती प्रदेश सरकारका उद्योग वाणिज्य तथा आपूर्तिमन्त्री मिलनबाबु श्रेष्ठले सोमबार उद्घाटन गरेका हुन ।

यही असोज १५ गतेसम्म सञ्चालन हुने महोत्सवमा मानवीय दैनिक जीवनमा प्रयोगमा आउने सामग्री, कृषि, घरेलु, उद्योग, विभिन्न प्रकारका लत्ताकपडा, खाद्यान्न, अटोमोबाइल, जुत्ता, कृषि तथा हस्तकलाका सामग्री, कृषि औजारका सामग्री सहुलियत मूल्यमा बिक्रीका लागि राखिएको सङ्घका महासचिव रवीन्द्र बैदारले जानकारी दिए ।

यस्तै महोत्सवमा मनोरञ्जनका लागि बालउद्यान, रोटेपिङ, ड्रागन, नाउ, मिनी बञ्जीजम्प, वाटर बल्ब, मिकी माउस, टेम्पोलिङ्ग, स्करपियोको आदिका साथमा राष्ट्रिय तथा स्थानीय कलाकारले दैनिक हाँस्यव्यङ्ग्य तथा गीत-नृत्यको प्रस्तुति हुनेछ । एक सयभन्दा धेरै स्टल राखिएको महोत्सव अवधिभर ५० हजारले अवलोकन गर्ने तथा रु ५० लाख कारोबार हुने अपेक्षा गरिएको आयोजनाले जनाएको छ ।

त्यस्तै पाँचखाल युनाइटेड फुटबल एशोसिएशन ९पुफा०ले ‘कृषि, पर्यटन, सांस्कृतिक तथा व्यापार मेला’ भन्ने मूल नाराका साथ पाँचखालमा आयोजना गरिएको तेस्रो महोत्सवमा स्थानीय दनुवार समुदायको भाषा र संस्कृति झकल्ने स्टल, परम्परागत कला-संस्कृति, औद्योगिक व्यापार, घरेलु, कृषि, पर्यटन प्रर्वद्धनार्थ क्रियाकलाप गरिने जनाइएको छ ।

यही असोज १६ गतेसम्म सञ्चालन हुने पाँचखाल महोत्सवमा फुटबल प्रतियोगिता, अग्र्यानिक कृषि प्रदर्शनी, स्थानीय खानाका परिकार, संस्कृति र पर्यटन प्रवद्र्धनका स्टल, बाल मनोरञ्जनात्मक गतिविधि, राष्ट्रिय तथा स्थानीय कलाकारको दैनिक प्रस्तुति महोत्सवको मुख्य आकर्षण रहेको छ ।

 

प्रकाशित मिति : ४ आश्विन २०७९, मंगलबार  ८ : २६ बजे

प्रधानमन्त्री ओलीले पाए भारी मतका साथ विश्वासको मत

काठमाडौं । प्रधानमन्त्री केपी ओलीले आज प्रतिनिधिसभाबाट विश्वासको मत प्राप्त

रहरले नभई आवश्यकताले संविधान संशोधनः प्रधानमन्त्री ओली

काठमाडौं । प्रधानमन्त्री केपी शर्मा ओलीले संविधान संशोधनीय दस्तावेज रहेको

नेपाल र चीनबीच पर्वतीय पर्यटन प्रवद्र्धनमा सम्झौता

काठमाडौं । पर्वतीय पर्यटन प्रवद्र्धन प्रयोजनार्थ नेपाल र चीनका दुई

महिला एशिया कपमा भारतको लगातार दोस्रो जित

काठमाडौं । जारी महिला एशिया कपमा भारतले लगातार दोस्रो जित