लुम्बिनी प्रदेशस्तरीय छनौट प्रतियोगिता : पुरुष भलिबलमा कपिलबस्तु, नवलपरासी, प्युठान र रुपन्देहीको विजयी शुरुवात

बुटवल । नवौ राष्ट्रिय खेलकुद २०७९ लुम्बिनी प्रदेशस्तरीय छनौट प्रतियोगिता अन्तरगत पुरुष भलिबल प्रतियोगिता मंगलबारदेखि शुरु भएको छ ।

एक समारोहका बिच प्रदेश खेलकुद विकास परिषद लुम्बिनीका सदस्यसचिव जयप्रकाश भट्टराईले रेफ्रीलाई बल हस्तान्तरण गर्दै प्रतियोगिताको उद्घाटन गरे । राष्ट्रिय खेल भलिबल र युवा खेलाडी उत्पादनका लागि सरकार प्राथमिकता दिएर पुर्वाधार र दक्षता वृद्धिका लागि बजेट बिनियोजन गरेको उनले दाबी गरे ।

सुनवलस्थित भलिबल कोर्टमा भएको उद्घाटन खेलमा कपिलबस्तुले दाङलाई २-१ अंकले पराजित गरेको छ । यसैगरि नवलपरासीले अर्घाखाचीलाई २-०, रुकुम पुर्वले बर्दियालाई २-०, प्युठानले बाकेलाई २-० तथा रुपन्देहीले कपिलबस्तुलाई २-० पराजित गर्दै दोस्रो चरणमा प्रवेश गरेका छन । पाल्पा र नवलपरासी बिच भएको छैटौ खेल भने खराब मौसमका कारण स्थगित भएको भलिबल खेल संयोजक अर्जुन घिमिरेले बताए ।