बाँके क्षेत्र नम्बर २ को निर्वाचन कार्यालय उदघाटन

नेपालगन्ज । बाँकेको नेपालगन्जमा जिल्लाको क्षेत्र नं. २ को मुख्य निर्वाचन अधिकृतको कार्यालय उद्घाटन गरिएको छ ।

नेपालगन्जको रामलिला मैदान पूर्वमा रहेको पशु कार्यालय हाताभित्र रहेको भवनमा रहनेगरि मुख्य निर्वाचन अधिकृतको कार्यालय उदघाटन गरिएको हो । अन्य दुई क्षेत्रमा पनि छिट्टै उद्घाटन गरिने जनाइएको छ ।

बाँके क्षेत्र नम्बर २ मा जिल्ला न्यायाधीश धनसिंह महरालाई मुख्य निर्वाचन अधिकृत खटाइएको छ । मुख्य निर्वाचन अधिकृतको कार्यालय उद्घाटनमा प्रमुख जिल्ला अधिकारी सूर्यबहादुर खत्री, चार वटै सुरक्षा निकायका प्रमुख तथा प्रतिनिधिहरुको उपस्थिति रहेको थियो ।

बाँकेमा तीन वटा निर्वाचन क्षेत्र रहेको छ । निर्वाचनको दिन नजिकै आउँदै गर्दा मंसिर ४ गते हुने चुनाव लक्षित गतिविधि बढ्दै गएको छ । निर्णय भइसकेका उम्मेदवारले घरदैलो शुरु गरिसकेका छन् भने नाम सिफारिस भएकाहरु टिकटका लागि दौडधुप गरिरहेका छन् ।