मन्दिर दर्शन गर्न सवारी बोकेर जाँदै गरेको जीप पाल्पामा दुर्घटना

बुटवल । पाल्पाको रैनादेबी छहरामा जीप दुर्घटना हुँदा ४ जना घाईते भएका छन् । घाइते मध्य २ जनाको अवस्था गम्भीर रहेको पाल्पा प्रहरीले जनाएको छ ।

प्रहरीका अनुसार रैनादेबी मन्दिरको दर्शनका लागि जाँदै गरेको जीप रैनादेबी छहरा ३ मा कच्ची सडकमा आफै ब्याक हुन गई दुर्घटना भएको हो । लु १ ज २५८३ नम्बरको जीपमा सवार १६ जना मध्य ४ जना घाइते भएकोमा रैनादेबी छहरा अमिलेका स्थानीय १८ वर्षिय रितिक परियार र १७ वर्षिय सुनिल परियार गम्भीर घाइते भएका छन् भने छचुवाका ४० वर्षिय चालक खगेन्द्र बहादुर कुमार र सोही स्थानका २१ वर्षिय सरिता कुमाल समान्य घाइते भएका छन् । अन्य १२ जनाको अवस्था भने सामान्य रहेकाले घर पठाइएको प्रहरीले जनाएको छ ।

घाइतेहरुको तानसेनमा उपचार भइरहेको छ । घटनाको विषयमा प्रहरीले अनुसन्धान गरिरहेको पनि प्रहरीले जनाएको छ ।