काठमाडौं । जनता समाजवादी पार्टीले सत्ता रुढ पाँच दलीय गठबन्धन छाडेको छ । मंसिर ४ मा हुने संघीय निर्वाचनको सिट बाँडफाँडमा सुरुआतदेखि नै असहमति जनाउँदै आएको जसपाले कुरा नमिल्ने देखेपछि गठबन्धन छाडेको हो ।
सत्ता गठबन्धनका दलले प्रत्यक्ष निर्वाचनमा थोरै सिट दिने भएपछि जसपाले पाँच दलीय गठबन्धन छाड्दै एमालेसँग चुनावी तालमेल गर्ने भएको छ ।
बिहीबार सत्ता गठबन्धन र एमलो दुवैसँग छलफल गरेको जसपाले बिहीबार राति अवेर एमालेसँग चुनावी तालमेल गर्ने निर्णय गरेको हो ।
तालमेलपछि मधेस प्रदेशमा जसपाले बहुमत सिट पाउने छ। त्यसवाहेक लुम्बिनी र प्रदेश १ का केही सिट पनि उसले पाउनेछ । यस्तै, केही स्थानमा मित्रवत प्रतिस्पर्धा गर्ने सहमति भएको दुई दलले बताएका छन् ।
यसअघि कम सिट पाएको भन्दै जसपाका अध्यक्ष उपेन्द्र यादव बालुवाटारमा पाँच दलको बैठक छाडेर एमाले अध्यक्ष केपी ओलीसँग वार्ता गर्न बालकोट पुगेका थिए । गठबन्धनमा जसपालाई प्रतिनिधिसभामा १६ सिट दिने तयारी थियो ।
प्रतिक्रिया