एमालेमा दशबुँदे पक्षधरलाई ‘सफाया’ अभियान सुरु, पूर्वमा रबिन र पश्चिममा रावल टिकटबाट बन्चित

काठमाडौं । नेकपा एमालेमा दशबुँदे पक्षधर शिर्श नेताहरुलाई पाखा लगाउन पूर्व झापाबाट सुरु भएको अभियान सुदुरपश्चिम सम्म स्पष्ट देखिएको छ ।

झापामा दशबुँदेका पक्षमा देखिएका झापा– २ की निवर्तमान सांसद पवित्रा खरेल निरौला र क्षेत्र नम्बर १ का रशिन कोईरालालाई टिकटबाट बन्चित बनाइएको छ भने सुदुरपश्चिमको अछामका लोकप्रिय नेता भिम रावललाई पनि टिकटबाट बन्चित बनाइएको छ ।

झापा– २ मा प्रतिस्पर्धाको तयारी गरेका अग्नि खरेललाई झापा– १ मा प्रत्यासी बनाउने ओलीको आन्तरिक निर्णयपछि यप्रतिनिधि सभामा प्रत्यासी बन्ने अवसरबाट कोइराला बञ्चित हुने निश्चित भएको छ । झापा बिद्रोहका एक नेता नरेश खरेलकी धर्मपत्नी पवित्रा खरेल पनि दशबुँदेको पक्षधर भएकै कारण टिकट नपाउनेमा परेकी छन् ।

यता राप्रपासँगको समिकरण पछि दशबुँदेका अर्का शिर्श नेता घनश्याम भुसालपनि टिकटबाट बन्चित हुने निश्चित छ । एमाले अध्यक्ष केपी ओलीले दशबुँदे पक्षका नेताहरुलाई माफि मागे पछि मात्र टिकट दिने बताएपनि भुसाल, रावलले सार्वजनिकरुपमै माफि नमाग्ने बताएका थिए । रुपन्देही ३ राप्रपासँगको समिकरणमा दिपक बोहोराको पोल्टामा पर्ने निश्चित जस्तै बनेको छ ।

दशबुँदे पक्षधर नेताहरुमा योगेश भट्टराई र गोकर्ण विष्टले भने आन्तरिकरुपमा ओलीसँग माफी मागेको र टिकट पाउने निश्चित भएको एमाले स्रोतले दाबी गरेको छ । एमाले सचिवालय बैठकले टिकट वितरणको सबै जिम्मा अध्यक्ष केपी ओलीलाई सुम्पेको थियो ।