काठमाडौं । सभामुख अग्निप्रसाद सापकोटाले चुनाव नलड्ने घोषणा गरेका छन् ।
उम्मेदवार मनोनयनको अघिल्लो दिन आज सभामुख सापकोटाले पत्रकार सम्मेलन गरेर आगामी प्रतिनिधिसभा निर्वाचनमा उम्मेदवारी नदिने घोषणा गरेका हुन् । सापकोटा २०६४, २०७० सालमा सिन्धुपाल्चोक क्षेत्र नं. २ र २०७४ सालको निर्वाचनमा सिन्धुपाल्चोक १बाट निर्वाचित भएका थिए ।
यसपटक पनि नेकपा माओवादी केन्द्र सिन्धुपाल्चोकले सापकोटालाई क्षेत्र नं. १ बाट उम्मेदवार बनाउन सिफारिस गरेको थियो ।
सापकोटाले युवाहरूलाई मौका दिन यसपटक आफू उम्मेदवार नहुने बताएका छन् । आफुले लगातार ३ पटक चुनाव जित्ने अवसर पाएको बताउँदै उनले युवा पुस्तालाई अगाडि बढाउन आफू पछि हटेको उनले बताए । सापकोटाले फरक भूमिकाबाट काम गर्ने पनि जनाएका छन् ।
तर सापकोटाले चुनाव नलड्ने घोषणा गरेका छन् । बुधबार पत्रकार सम्मेलन गरी उनले भनेका छन्, ‘पार्टी, सिन्धुपाल्चोक र खासगरी क्षेत्र नम्बर १ का मतदाता तथा शुभचिन्तकहरुले पुनः पनप्रतिनिधिको भूमिका निर्वाह गरोस् भन्ने शुभेच्छा राख्नु भएकोमा धन्यवाद दिँदै आगामी २०७९ मंसिर ४ को प्रतिनिधिसभा निर्वाचनमा उम्मेदवार नबन्ने निर्णय गरेको निवेदन गर्न चाहन्छु ।’
प्रतिक्रिया