दाङ । निवर्तमान सांसद तथा हालै राजनिामा दिएकी एमाले केन्द्रीय सदस्य गंगा चौधरीले एमाले नेतृत्वले विदेशी दबावमा रहेको आरोप लगाएकी छन् ।
स्वतन्त्रतर्फ उम्मेदवारी मनोनयन गराएकी चौधरीले आज बिहान दाङमा समर्थकहरुको भेलामा बोल्दै चौधरीले एमाले नेतृत्वले विदेशी दबावमा परेर आफूलाई प्रतिनिधिसभाको प्रत्यक्षतर्फ टिकट नदिएको बताइन् । उनले आफुले भारतीय हस्तक्षपका विरुद्ध सशक्त आवाज उठाएकाले टिकटबाट बन्चित गराइएको बताइन् ।
उनले एमाले नेतृत्व बाहिरिया छिमेकी राष्ट्रको दबावमा परेर देशभक्तहरुलाई टिकट नदिएको पनि आरोप लगाइन् । ुनेकपा एमाले नेतृत्व बाहिरिया छिमेकी राष्ट्रको दबावमा परेर हामीजस्तो देशको हित चाहने व्यक्तिलाई टिकट दिएन ।’ उनले भनिन् । उनले छिमेकी राष्ट्रको नाम नलिएपनि उनको संकेत भारत तर्फ केन्द्रीत थियो ।
राष्ट्र विररोधी गतिबिधिमा लागेकै कारण प्रतिनिधिसभाबाट तत्कालीन सांसद सरिता गिरिलाई आफूले आउट गर्न भूमिका खेलेको उनले दाबी गरिन्। आफूलाई एमसीसीको विरुद्धमा आवाज उठाएको नतिजास्वरुप दण्डित गरिएको पनि बताइन् ।
प्रतिक्रिया