उम्मेदवारको अन्तिम नामावली प्रकाशन, प्रतिनिधिसभा तर्फ २४१२ र प्रदेशसभा तर्फ ३२२४ उम्मेदवार कायम

काठमाडौं । निर्वाचन आयोगले बुधबार साँझ प्रविष्ट भएका प्रतिनिधि तथा प्रदेशसभाको नामावली प्रकाशन गरेको छ । प्रतिनिधि तथा प्रदेशसभा निर्वाचनको कार्यतालिका बमोजिम आयोगले दशैभरका निर्वाचन कार्यालयमा प्रविष्ट भएका उम्मेदवारहरुको अन्तिम नामावली प्रकाशन गरेको हो ।

आयोगका अनुसार प्रतिनिधिसभा तर्फ २१८७ पुरुष र २२५ महिला गरि २४१२ जनाको अन्तिम नामावली कायम भएको छ भने प्रदेश तर्फ २९४३ पुरुष २८० महिला र १ जना अन्य गरि ३२२४ जनाको उम्मेदवारी कायम भएको छ ।

आज ५ बजे सम्ममा उम्मेदवारी फिर्ता लिन चाहनेहरुलाई उम्मेदवारी फिर्ता गर्न समय दिएकोमा फिर्ता लिएर कायम रहेको उम्मेदवारहरुको विवरण आयोगले सार्वजनिक गरेको हो ।