राजु गुरुङको रिट दर्ता, शुक्रबार पेसी

काठमाडौं । रुपन्देही क्षेत्र नम्बर २ मा सत्ता गठबन्धनका तर्फबाट उम्मेदवार बनेका नेकपा एकीकृत समाजवादीका उम्मेदवार आफ्नो उम्मेदवारी खारेका विरुद्ध दिएको रिट निवेदन सर्वोच्च अदालतमा दर्ता भएको छ । निर्वाचन अधिकृतको कार्यालयले अनाधिकृतरुपमा आफ्नो उम्मेदवारी खारेज गरेको भन्दै सवोच्च पुगेका गुरुङको रिट निवेदन आज साँझ सर्वोच्चमा दर्ता भएको हो ।

कसैको दाबी विरोध र उजुरी नपरेकै अवस्थामा निर्वाचन अधिकृत उदवीर नेपालीले गुरुङको उम्मेदवारी खारेज गरिदिएको भन्दै गुरुङ निवर्तमान कानुन मन्त्री गोविन्द कोईराला बन्दी र बरिष्ठ अधिवक्ताहरु शम्भु थापा र रमण श्रेष्ठलाई लिएर सर्वोच्च अदालत पुगेका थिए । सर्वोच्चले शुक्रबारका लागि पेसी तोकिएको सर्वोच्चका प्रवक्ता विमल पौडेलले बताए । गुरुङको कम्पनी कर्जा सूचना केन्द्रको कालोसूचीमा परेको भन्दै निर्वाचन अधिकृतले उनको उम्मेदवारी खारेज गरिदिएका थिए ।

गुरुङले आफु विरुद्ध कुनै उजुरी नपरेको र कर्जा सूचना केन्द्रको कालोसूचीमा आफू नभई आफू सेयर सदस्य रहेको कम्पनी मात्रै परेको भन्दै आफ्नो उम्मेदवारी कायम हुनुपर्ने माग गरेका छन्