काठमाडौं । रुपन्देही- २ बाट सत्ता गठबन्धनका उम्मेदवार राजु गुरुङको उम्मेदवारी खारेजविरुद्धको रिट माथि सर्वोच्च अदालतले आज सुनुवाइ गर्दैछ। आज सुनुवाईको लागि चढेको पेशीे न्यायाधीश हरिप्रसाद फुयालको एकल इजलासमा परेको छ ।
सत्ता गठबन्धनको तर्फबाट नेकपा एकीकृत समाजवादीबाट उम्मेदवारी गुरुङलाई बैंकिङ कसुर अन्तर्गत कालो सूचीमा नाम देखिएको भन्दै निर्वाचन अधिकृतको कार्यालयले उम्मेदवारी खारेज गरिदिएको थियो ।
अदालतमा विचाराधिन भएको मुद्दा तथा उजुरी नपरेको अवस्थामा प्रकृया नै पूरा नगरी उम्मेदवारी खारेज भएको भन्दै उनले बिहिबार अदालतमा उजुरी दिएका थिए।
फुयालको इजलासको अन्तिम १६ नम्बरमा परेको सुनुवाईमाथि आज छलफल पालो आउने सम्भावना कम रहेको एक अधिवक्ताले बताए ।
प्रतिक्रिया