पोखरा । नवौँ राष्ट्रिय खेलकुद अन्तर्गत प्याराग्लाइडिङको क्रस कन्ट्री इभेन्टमा प्रतिस्पर्धा गरिरहेका एक खेलाडीको प्याराग्लाइडिङ क्र्यास हुँदा मृत्यु भएको छ ।
आइतबार बिहान ११:३० बजे प्रदर्शनका क्रममा पोखरा महानगर-१८ को सराङकोटमा भएको प्रतिस्पर्धाका दौरान त्रिभुनव आर्मी क्लबका निसिम थापाको मृत्यु भएको हो ।
क्रस कन्ट्री प्याराग्लाइडिङ खेल चलिरहेको अवस्थामा ब्लु स्काई कम्पनीका चालक उडिरहेको अवस्थामा १०० मिटर माथिबाट सराङकोटस्थित जमिनमा खस्न पुग्दा थापा घाइते भएका थिए ।
उनलाई उपचारका लागि पोखरास्थित मेट्रोसिटी अस्पताल लगिएको थियो । तर उनलाई डाक्टरले १२:४५ मा चेकजाँचपछि मृत घोषित गरेका थिए ।
प्रतिक्रिया