काठमाडौं । देशको अर्थतन्त्र अझै पनि निराशाजनक रहेको रिपोर्ट सार्वजनिक भएको छ ।
नेपाल राष्ट्र बैंकले शुक्रबार सार्वजनक गरेका आर्थिक तथा वित्तीय स्थिति विवरणअनुसार अझै पनि देशको अर्थतन्त्र संकटमै रहेको देखिएको हो । अर्थतन्त्रका अधिकांश सूचक दबाबमा रहेको प्रतिवेदनले देखाएको छ ।
विदेशी मुद्रा सञ्चिती गर्न केही महँगा वस्तुको आयात प्रतिबन्ध लम्बिरहेपनि सञ्चिति भने घट्ने क्रम रोकिएको छैन । दुई महिनामा २६ अर्ब ६४ करोड रुपैयाँ बराबरको विदेशी मुद्रा सञ्चिति घटेको छ । सरकारले पाँच महिनादेखि ३ सय अमेरिकी डलरमाथिका मोबाइल, कार, जिप, भ्यान, १५० सीसीमाथिका मोटरसाइकल तथा विदेशी तयारी मदिराको आयातमा प्रतिबन्ध लगाइरहेको छ ।
महंगी बढेको छ भने चालू खाता र शोधानान्तर स्थिति घाटामा रहेको तथ्यांकले देखाएको छ । अर्थतन्त्र जोगाउने महत्वपूर्ण आधारको रुपमा रहेको रेमिट्यान्समा भने सुधार देखिएको छ । राष्ट्र बैंकका अनुसार चालु आर्थिक वर्षको साउन र भदौ महिनामा रेमिट्यान्स १९ दशमलव ८ प्रतिशतले बढेर १ खर्ब ८७ अर्ब ४ करोड रुपैयाँ पुगेको छ ।
प्रतिक्रिया