काठमाडौं । फाइनान्सियल एक्सन टास्क फोर्सले पाकिस्तानलाई आफ्नो ग्रे लिस्टबाट हटाउने घोषणा गरेको छ ।
शुक्रबार पेरिसमा एफएटीएफका अध्यक्ष टी राजा कुमारले यो घोषणा गरेका हुन्।
राजाले भनेका छन्, पाकिस्तान २०१८देखि ग्रे लिस्टमा थियो । पाकिस्तानी अधिकारीहरूले धेरै काम गरेपछि, तिनीहरूले एन्टी-मनी लान्ड्रिंग र प्रतिआतंकवाद वित्तत्तय प्रणालीमा रहेका कमजोरीहरूलाई सम्बोधन गर्न ३४ वटा संयुक्त कार्यसम्पदान पुरा गरेकाछन् ।
राजा कुमारले एफएटीएफले यस महत्वपूर्ण प्रगतिलाई स्वागत गरेको बताउँदै पाकिस्तानले अब थप प्रभावकारी रूपमा एन्टि-मनी लान्ड्रिंग र आतंकवादी वित्तीय नियन्त्रण गर्न सक्ने विश्वास व्यक्तगरेका छन् ।
एफएटीएफको ग्रे लिस्टबाट पाकिस्तानको नाम हटाएकोमा पाकिस्तानका प्रधानमन्त्री शहबाज सरिफले आभार व्यक्त गरेका छन्।
‘पाकिस्तान ग्रे लिस्टबाट बाहिरिनु भनेको वर्षौंदेखि हाम्रो दृढ र निरन्तर प्रयासको प्रमाण हो ।’ ट्वीट गर्दै उनले भनेका छन् ‘आजको दिनको सफलतामा अथक परिश्रम गर्ने नागरिक र सैनिक नेतृत्वका साथै सबै निकायलाई बधाई दिन चाहन्छु ।’
शहबाज शरीफले पाकिस्तानलाई ग्रे लिस्टबाट बाहिर निकाल्न संयुक्त कार्य गरेकोमा विदेशमन्त्री बिलावल भुट्टो, सेना प्रमुख जनरल कमर जावेद बाजवा, उनीहरूको टोली र सबै राजनीतिक दलहरूको भूमिका र प्रयासको पनि प्रशंसा गरेका छन्।
यस्तै सूचना र प्रसारण मन्त्री मरियम औरंगजेबले ग्रे लिस्टबाट पाकिस्तान बाहिरिएकोमा राष्ट्र र गठबन्धन पार्टीहरूलाई बधाई दिएकी छिन्।
उनले सरकार वा प्रतिपक्षमा भए पनि सहयोगी दलका लागि राष्ट्रिय अखण्डता र हित सर्वोच्च हुने बताइन् ।
प्रतिक्रिया