गृहमन्त्री खाँणलाई भैरहवामा गराइयो मण्डप बिनाको म्ह पुजा

बुटवल । गृहमन्त्री बालकृष्ण खाणको म्हः पूजामा सरिक भएका छन् । नेवाः खल सिद्धार्थनगरले नेपाल संवत् ११४३ को अवसरमा बुधबार आयोजना गरेको कार्यक्रममा गृहमन्त्रीको म्हः पूजा गरिएको हो ।

नेवाः परम्परामा कार्तिक कृष्ण प्रतिपदाको राती घरभित्र ढोका बन्द गरेर आ आफ्ना अगाडि विशेष प्रकारको मण्डप बनाई बिधि पूर्वक आत्म पुजा गर्ने परम्परा रहँदै आएपनि गृहमन्त्री खाँणका लागि गरिएको म्ह पुजामा न त मण्डप बनाइएको थियो, न त समयको साईत जुराइएको थियो । शोफामा बसेका गृहमन्त्री खाँणलाई नेवाः खल आवद्ध महिलाहरुले टिका, माला र पुस्पले अभिेषेक गर्दै म्ह पुजा गराएका थिए । म्ह पुजामा सरिक भएको देखाउनका लागि मात्र कार्यक्रम गरिएको भैरहवाका एक नेवाः अगुवाले नाम नलेख्ने शर्तमा टिप्पणी गरे ।

आज हिन्दु तथा बौद्ध दुवै समुदायका नेवारहरूले आफूले आफैलाई पूजा गरी सुस्वास्थ्य तथा दिर्घायुको कामना गर्ने गर्छन् । सो अवसरमा गृहमन्त्री खाणले नेपाल संवतका प्रवर्तक शंखधर साख्वाको तस्विरमा माल्यार्पण पनि गरेका थिए ।