२ मंसिर २०८३, बुधबार | November 19, 2026

कृषि क्षेत्रका समस्या समाधान गर्ने एमाले उम्मेदवारको प्रतिबद्धता



लुम्बिनी । रुपन्देहीको क्षेत्र नं. ५ मा नेकपा एमालेका उम्मेदवारहरुले मतदातासँग रासायनिक मल, सिँचाई, कृषि उपजको बजारीकरणलगायतका कृषि क्षेत्रसँग सम्बन्धित समस्याहरु समाधान गर्ने प्रतिबद्धता जनाएका छन् ।

योजनाबद्ध रुपमा काम गर्दा किसानका समस्याहरु समाधान गर्न सकिने बताउँदै उम्मेदवारहरुले व्यवसायिक कृषि तथा पशुपालनलाई प्रोत्साहन मिल्ने गरी आवश्यक नीति, नियम समेत बनाइने बताए ।

आसन्न निर्वाचनका सन्दर्भमा विभिन्न स्थानमा घरदैलो अभियानका क्रममा मतदातासँगको अन्तरक्रियामा एमाले उम्मेदवारहरुले खेतीयोग्य जमिनमा सिँचाईका लागि लिफ्ट सिँचाईको साथै उपर्युक्त स्थानहरुमा भूमिगत सिंँचाईको व्यवस्था मिलाइने प्रतिबद्धता जनाएका छन् । रुपन्देही क्षेत्र नं. ५ मा नेकपा एमालेले जनता समाजवादी पार्टी (जसपा) र राष्ट्रिय प्रजातन्त्र पार्टी (राप्रपा) सँग चुनावी तालमेल गरी प्रतिनिधिसभा सदस्य पदमा बासुदेव घिमिरे र प्रदेश सभा सदस्य पदमा भूमिश्वर ढकाल तथा रामचन्द्र यादवलाई उम्मेदवार बनाएको छ ।

प्रतिनिधिसभा सदस्य पदका उम्मेदवार घिमिरेले प्रथम नगर प्रमुख हुँदा शिक्षा, स्वास्थ्य, कृषि, पूर्वाधार विकास, सरसफाई, सामाजिक सशक्तिकरणका क्षेत्रमा गरेका नमूना कामका कारण रुपन्देहीको तिलोत्तमा नगरपालिका मुलुककैं नमूना नगरपालिका बन्न सफल भएको छ । उम्मेदवार घिमिरेले तिलोत्तमालाई नमूना नगरपालिका बनाएको अनुभव आफूसँग रहेकोले क्षेत्र नं. ५ का बासिन्दाहरुका आमसमस्या समाधान गर्न आफूसँग स्पष्ट योजना रहेको बताए ।

एमालेले कृषि तथा पशु बिमालाई अनिवार्य गर्दै विभिन्न प्रकोपबाट हुने नोक्सानीको क्षतिपूर्तिको व्यवस्था मिलाउने, कृषि उपज संकलन, चिस्यान तथा प्रशोधन केन्द्र निर्माण गर्ने आफ्नो प्रतिबद्धतामा समावेश गरेको छ । यस्तै कृषि उपजको उचित मूल्य र बजारीकरण गर्ने, रासायनिक मलको दीर्घकालीन समाधानको लागि आवश्यक पहल गर्ने विषयलाई पनि एमाले उम्मेदवाहरुले आफ्नो प्रतिबद्धतामा समावेश गरेका छन् ।

नदी तथा खोलाबाट हुने भूक्षय नियन्त्रण गर्न तटबन्धसहितका पूर्वाधार निर्माण गर्ने, वन, चुरे, ताल तलैयालगायतका प्राकृतिक सम्पदाको संरक्षणमा विभिन्न कार्यक्रम सञ्चालन गरिने एमालेले जनाएको छ ।

प्रकाशित मिति : २० कार्तिक २०७९, आइतबार  ८ : ५६ बजे

Your email address will not be published.

दुई पूर्वमन्त्रीसहित छ जना पक्राउ

काठमाडौँ । वैदेशिक रोजगारीका सन्दर्भमा मलेसिया र नेपालबीच भएको श्रम

सर्वोच्च अदालतबाट पशुपति गौशाला धर्मशालासम्बन्धी फैसला सदर, स्वामित्व कोषकै मातहत

काठमाडौँ । सर्वोच्च अदालतले पशुपति गौशाला धर्मशालासम्बन्धी जिल्ला र उच्च

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

काठमाडौँ । चितवन राइनोजले तेस्रो संस्करणको नेपाल प्रिमियर लिग (एनपिएल)

मुस्ताङमा पहिलो चौमासिकमा एक लाख १२ हजार पर्यटक

मुस्ताङ । चालु आर्थिक वर्षको पहिलो चौमासिकमा एक लाख १२

४०१ मोटरसाइकलको स्वरूप सच्याइँदै, सवारीधनी मिस्त्रीसहित ट्राफिक कार्यालयमा

काठमाडौँ । काठमाडौँ उपत्यकामा चर्को आवाज निकाल्ने तथा कानुनविपरीत स्वरूप