चेल्सीलाई हराउँदै आर्सनल शीर्षस्थानमा

काठमाडौं । इङ्ग्लिस प्रिमियर लिग अन्तर्गत गएराति सम्पन्न खेलमा आर्सनलले चेल्सीलाई हराएको छ ।

स्टामफोर्ड ब्रिज स्टेडियममा सम्पन्न खेलमा आर्सनलले घरेलु टोली चेल्सीमाथि १-० गोलको संघर्षपूर्ण जित निकालेको हो ।

पहिलो हाफ गोलरहित बराबरीमा रोकिएको खेलमा आर्सनललाई जित दिलाउन गाब्रियल मगलहाएसले ६३ औं मिनेटमा बुकायो साकाको पासमा निर्णायक गोल गरे ।

जितसँगै आर्सनल अंकतालिकाको शीर्षस्थानमा फर्किएको छ । १३ खेल खेलेको आर्सनलले ३४ खेल खेलेर शीर्षस्थानमा रहँदा समान खेल खेलेर ३२ अंक जोडेको म्यानचेस्टर सिटी दोस्रो स्थानमा छ । त्यस्तै २१ अंक जोडेको चेल्सी सातौं स्थानमा छ ।