इस्लामावाद । पाकिस्तानमा शिख धार्मिक समुदायका गुरु नानकदेवको ५५३औं जन्मोत्सव मनाइएको छ ।
जन्मदिनको अवसरमा पाकिस्तानमा रहेका शिख समुदायले ६ नोभेम्बरदेखि १५ नोभेम्बरसम्म विभिन्न कार्यक्रम गरेर मनाइरहेका छन् ।
जन्मोत्सवको अवसरमा भारतको (वाघा बोर्डर हुँदै आएका) र अन्य विभिन्न देशहरूबाट जम्मा भएका शिख यात्रीहरूले गुरुद्वारा जन्मस्थान, गुरुद्वारा पन्जा साहिब, गुरुद्वारा डेरा साहिब, गुरुद्वारा दरबार साहिब करतारपुर र गुरुद्वारा रोरी साहिबको भ्रमण गर्दैछन् ।
आज ८ नोभेम्बरका दिन गुरुद्वारा जन्मस्थान, ननकाना साहिबमा जन्मोत्सवको मुख्य समारोह रहेको “भोग अखंड पाठ साहिब“ मनाइएको छ ।
विश्वभरबाट धार्मिक पर्यटन प्रवर्द्धन गर्ने प्रयासको एक भागको रूपमा शिख तीर्थयात्रीहरूलाई खुल्ला दिलले स्वागत गर्न जारी राखेको पाकिस्तानले जनाएको छ । केही वर्षअघि पाकिस्तानले भारतका शिख तीर्थयात्रीहरुको सुविधाका लागि करतारपुर कोरिडोर खुला गरेको थियो ।
प्रतिक्रिया