काठमाडौं । उम्मेदवारको मृत्यु भएपनि निर्वाचन आयोगले मोरङ-३ प्रदेशसभा १ को निर्वाचन नरोक्ने भएकोछ ।
आयोगले निर्धारित मितिमै निर्वाचन हुने गरी काम गर्ने तयारी सुरु गरिसकेको छ ।
प्रदेश १ का वनमन्त्री एवं मोरङ क्षेत्र नम्बर ३ (१) मा कांग्रेसबाट प्रदेशसभा उम्मेदवार रहेका शेखरचन्द्र थापाको निधन भएपछि सो क्षेत्रमा निर्धारित मितिमा निर्वाचन हुनेबारे आयोगले प्रष्ट पारेको हो ।
निर्वाचन मितिभन्दा ७ दिन अगाडि कुनै उम्मेदवारको निधन भएमा सोही मितिमा निर्वाचन हुने गरी नयाँ कार्यतालिका बनाउने आयोगले जनाएको छ । आयोगले पुनः मनोनयनलगायत सबै प्रक्रिया पूरा गर्ने र मंसिर ४ मा नै मतदानको तयारी भइरहेको आयोगका प्रवक्ता शालिकराम शर्माले बताए । निर्वाचनका सबै प्रक्रिया छोटो समयमै सकेर मंसिर ४ गते नै त्यो क्षेत्रमा पनि निर्वाचन हुने उनले बताए ।
प्रतिक्रिया