काठमाडौँ । प्रतिनिधिसभा निर्वाचनमा गुल्मी क्षेत्र नम्बर १ बाट कांग्रेस नेता भण्डारी विजयी भएका छन् । उनले एमाले उपमहासचिव प्रदीप ज्ञवालीलाई १ हजार ५९२ मतान्तरले हराउँदै गुल्मी-१ बाट विजयी भएका हुन् ।
शुक्रबार सम्पन्न मतपरिणामअनुसार भण्डारीले ३३ हजार ७ सय ४४ मत ल्याएका छन् भने ज्ञवालीले ३२ हजार१ सय ५२ मत ल्याएका छन् । औपचारिक घोषणा हुन भने बाँकी छ ।
निर्वाचन कार्यालयले नतिजा प्रकाशित नगर्दै उपमहासचिव ज्ञवालीले सामाजिक सञ्जालमार्फत पराजय स्विकार गर्दै मत परिणाममा बदल्न नसकेकोमा मिर्थकहरुसँग क्षमा मागेका छन् । ‘अथक प्रयाशका बाबजुद हाम्रो अभियान सफल हुन सकेन । तपाईंहरूको विश्वासलाई मत परिणाममा बदल्न नसकेकोमा क्षमा चाहन्छु । प्रतिकूल परिणामको जिम्मेवारी म मेरै काँधमा लिन्छु । कहाँ कमीहरु रहन गए, समयक्रममा समीक्षा हुने नै छ ।’ उनले लेखेका छन् ।
यसअघि २०७४ सालको निर्वाचनमा गुल्मी(१ मा भण्डारी ज्ञवालीसँगै झन्डै ७ हजार मतले पराजित भएका थिए ।
प्रतिक्रिया