काठमाडौं । नेकपा एकीकृत समाजवादीले माओवादी केन्द्रसँग एकताको खबरमा कुनै सत्यता नभएको बताएको छ ।
महासचिव बेदुराम भुसालले शुक्रबार एक विज्ञप्ति प्रकाशित गर्दै माओवादी केन्द्रसँग एकताका लागि पार्टीले कुनै निर्णय नगरेको बताएका हुन् । भुसालले एकता हुने कुरा पुरै निराधार भएको दाबी गरेका छन् ।
भुसालले कम्युनिष्ट आन्दोलनलाई एकतावद्ध बनाउनुपर्ने कुरामा आफूहरु सहमत भए पनि अहिले माओवादीसँग कुनै छलफल, वार्ता वा संवाद केही जिकिर गरेकाछन् ।
दुई पार्टी एकताबारे भइरहेको प्रचारप्रति ध्यानाकर्षण भएको भन्दै महासचिव भुसालले भनेका छन्, ‘यो पूर्णतः निराधार हो, यसमा कुनै सत्यता छैन ।’
विज्ञप्तिमा भनिएको छ, ‘केही दिनदेखि विभिन्न सञ्चारमाध्यममा भइरहेको नेकपा (एकीकृत समाजवादी) र नेकपा (माओवादी केन्द्र) बीच तत्काल एकता हुँदैछ भन्ने प्रचारप्रति हाम्रो गम्भीर ध्यानाकर्षण भएको छ । यो प्रचार पूर्णतः निराधार हो , यसमा कुनै सत्यता छैन। नेपाली कम्युनिष्ट आन्दोलनलाई एकताबद्द बनाउनुपर्ने आवश्यकतामा हामी प्रष्ट छौं। तर अहिले त्यसबारे निर्णय त के कुनै छलफल, वार्ता वा सम्वाद केही भएको छैन।’
प्रतिक्रिया