मंसिर । निलम्बित प्रधानन्यायाधीश चोलेन्द्र शमशेर जबराको महाअभियोगलाई संसद सचिवालयका महासचिवले निस्क्रिय बनाइदिएका छन् ।
संसदका महासचिव भरतराज गौतमले जबरालाई महाअभियोग निस्क्रिय भएको पत्र दिएका हुन् । जबराले सचिवालयलाई महाअभियोग निस्क्रिय भएको पत्र दिन निवेदन दिएका थिए । यसलगत्तै जबरा सर्वोच्च अदालत फर्किने प्रयास सुरु गरेका छन् ।
सत्तारुढ दलहरू कांग्रेस, माओवादी केन्द्र र एकीकृत समाजवादीका सांसदहरूले जबराविरुद्ध विभिन्न २१ आरोप लगाएर गत वर्ष २०७८ कोे फागुन १ गते संघीय संसद सचिवालयमा महाभियोग दर्ता गराएका थिए । त्यसलगत्तै जबरा स्वतः निलम्बनमा परेका थिए ।
महाअभियोग प्रस्ताव दर्ता भएको लामो समयपछि जबरामाथि लागेको अभियोग अनुसन्धान गर्न महाभियोग सिफारिस समिति गठन भएको थियो । समितिले एक महिना लगाएर अनुसन्धान गरेपछि बहुमतका आधारमा महाअभियोग लगाउन सिफारिस गरेको थियो । तर लगत्तै प्रतिनिधिसभाको कार्यकाल समाप्त भएपछि प्रस्ताव पेण्डिङमा रहेको थियो ।
प्रतिक्रिया