काठमाडौं । संघीय संसदका महासचिव भरतराज गौतमले प्रतिनिधिसभाको कार्यकाल सकिएपछि महाअभियोग प्रस्ताव निस्क्रिय बनेको पुनः दाबी गरेका छन्।
सर्वोच्च अदालतको संवैधानिक इजलासमा लिखित जवाफ पठाउँदै गौतमले प्रतिनिधिसभाको कार्यकाल सकिएपछि अन्य बिजनेससँगै महाअभियोग प्रस्ताव पनि निष्क्रिय भएको दावी गरेका हुन् । पूर्वप्रधानन्यायाधीश चोलेन्द्रशमशेर जबराको महाअभियोग प्रस्ताव निस्प्रभावी भएको भन्दै जबरालाई पत्र दिएपछि विवादमा आएका गौतमलाई सवोच्चको फुलकोर्ट बैठक र संवैधानिक इजलासले उक्त पत्र दिनुबारे जवाफ मागेको थियो ।
गौतमले प्रतिनिधिसभाका अन्य विधेयक र सबै विजनेस कार्यकाल समाप्त भएसँगै निष्क्रिय हुने र अर्को प्रतिनिधिसभामा नजाने जिकिर गर्दै महाअभियोग प्रस्ताव पनि सोही आधारमा निस्क्रिय भएको दाबी गरेका हुन् । उनले आफुले प्राकृतिक न्यायको सिद्धान्तअनुसार जबरालाई पत्र दिएको उल्लेख गरेका छन् ।
प्रतिक्रिया