काठमाडौं । नेपालस्थित चिनियाँ दूतावासले एमाले, माओवादी र जसपा अध्यक्षहरुसँग भेट गरेको समाचार भ्रमपूर्ण भएको प्रष्ट पारेको छ ।
केही संचारमाध्यमहरुमा चिनियाँ दूतावासका कार्यबहाक राजदूत वाङ जिनले एमाले अध्यक्ष केपीशर्मा ओली, माओवादी केन्द्रका अध्यक्ष पुष्पकमल दाहाल प्रचण्ड र जनता समाजवादी पार्टीका अध्यक्ष उपेन्द्र यादवबीच भेटगरेको समाचार प्रकाशित गरेका थिए ।
तर दूतावासले संचारमाध्यमहरुलाई इमेल पठाएर सो समाचार भ्रमपूर्ण भएको स्पष्ट पारेको हो । दूतावासले यस बीचमा कुनै पनि नेतालाई नभेटेको जनाएको छ ।
सरकार निर्माणको विषयमा छलफल जारी रहेको समयमा चिनियाँ दूतावासले नेपालका नेताहरुसँग कुनै छलफल नभएको जनाएको हो ।
प्रतिक्रिया