काठमाडौं । नेकपा माओवादी केन्द्रका अध्यक्ष प्रचण्ड प्रधानमन्त्री एवं कांग्रेस सभापति शेरबहादुर देउवासँग निर्णायक छलफल गर्न बालुवाटार पुगेका छन् ।
नयाँ सरकारको नेतृत्व कसले गर्ने भन्ने विषयमा विवाद रहेपछि गठबन्धन नै टुट्ने अवस्थामा प्रचण्ड र देउवाबीच वान टु वान संवाद भएको हो ।
प्रचण्डले नयाँ सरकारको पहिलो नेतृत्व आफुले गर्न पाउनुपर्ने शर्त राखेकाछन् । तर, देउवाले आफैले सरकारको नेतृत्व गर्ने बताइरहेकाछन् । गठबन्धनको बैठक बस्नुअघि देउवा र प्रचण्डबीच छलफल भएको हो ।
प्रचण्डसँग संवाद गर्नुअघि देउवाले कांग्रेसका शीर्ष नेताहरुसँग छलफल गरेका थिए । यस्तै, प्रचण्डले पनि पदाधिकारीमा रहेका नेताहरुसँग छलफल गरेका छन् ।
माओवादीले र।ष्ट्रपति र प्रधानमन्त्री दुवै कांग्रेसलाई छाड्न नसकिने निस्कर्ष निकालेको छ । कांग्रेस नेता विमलेन्द्र निधि देउवाको सन्देश लिएर आज बिहानै प्रचण्डसँग भेट गरेका थिए ।
नयाँ सरकार गठनका लागि राष्ट्रपतिले दिएको समयसीमा आजसाँझ ५ बजेबाट सकिँदैछ ।
प्रतिक्रिया