काठमाडौं । नेकपा एकीकृत समाजवादीको सचिवालय बैठक बसिरहेको छ ।
पार्टी केन्द्रीय कार्यालयमा बसिरहेको बैठकमा पछिल्लो विकसित राजनीतिक घटनाक्रमबारे छलफल भैरहेको छ । नयाँ सरकार गठनबारे बालुवाटारमा बसेको सत्ता गठबन्धनको बैठक भाँडिएपछि अध्यक्ष माधवकुमार नेपालले पार्टीको सचिवालय बैठक डाकेका हुन् ।
बैठकमा अध्यक्ष नेपालले कांग्रेससहितको गठबन्धनको सरकार बन्ने सम्भावना सकिएको ब्रिफिङ नेताहरुलाई गरिरहेकाछन् ।
प्रचण्डले बालुवाटार छोडेर बालकोट गएपछि नेपालले अब पार्टीको रणनीति के बनाउने भन्ने विषयमा छलफल गर्न बैठक बोलाएका हुन् ।
एमाले अध्यक्ष ओलीको निवास बालकोटमा एमाले, माओवादी, जसपा र रास्वपाका नेताहरुबीच छलफल भैरहेको छ ।
प्रतिक्रिया