काठमाडौं । नेकपा एकीकृत समाजवादीले सरकारमा जाने नजाने बारेको निर्णय गर्ने जिम्मेवारी केन्द्रीय सचिवालयलाई दिने निर्णय गरेको छ ।
पार्टीका प्रवक्ता जगन्नाथ खतिवडाले मंगलबार बसेको पोलिटब्यूरो बैठकको निर्णय सार्वजनिक गर्ने क्रममा यस्तो बताएका हुन् । स्थायी कमिटी र पोलिटब्यूरो बैठकमा समेत सहमति जुट्न नसकेपछि यसको जिम्मा सचिवालयलाई दिइएको हो ।
आज बसेको बैठकले दुई वटा निर्णय गरेको पनि प्रवक्ता जगन्नाथ खतिवडाले बताए । पहिलो वामपन्थी मतहरूलाई एक ठाउँमा ल्याउने, मोर्चा बन्दी गर्ने, त्यसको केन्द्र भागमा रहेर काम गर्ने विषयमा सधैँभरी कटिबद्ध रहेर काम गर्ने र दोस्रो सरकारमा जाने विषयको निर्णय पनि केन्द्रीय सचिवालयले गर्ने उल्लेख छ ।
केन्द्रीय सचिवालयमा पार्टीका पदाधिकारीहरू छन् ।
प्रतिक्रिया