लुम्बिनी विश्वबिद्यालयको वोर्ड सदस्यमा एमाले नेता नारायण भुसाल नियुक्त

बुटवल । लुम्बिनी प्राविधिक विश्वविद्यालय बोर्ड सदस्यमा बुटवल ११ का नारायणप्रसाद भुसाल नियुक्त भएका छन् । मुख्यमन्त्री कूलप्रसाद केसीले नेकपा एमाले लुम्बिनी प्रदेश कमिटी सदस्य भुसाललाई विश्वबिद्यालयको बोर्ड सदस्यमा नियुक्त गरेका हुन् ।

विश्वविद्यालयको कूलपतिको हैसियतले भुसाललाई बोर्डमा नियुक्त गरिएको मुख्यमन्त्री कार्यालयले जनाएको छ । विश्वबिद्यालयमा कुलपतिमा मुख्यमन्त्री र उपकूलपति शिक्षामन्त्री रहने व्यवस्था रहेको छ ।

लुम्बिनी प्रदेश सरकारका मुख्य ४ गौरवका आयोजनामा विश्वबिद्यालय संचालन गर्ने योजना प्रमुखताका साथ राखिएको छ । विश्वविद्यालय सञ्चालनका लागि मुख्यमन्त्री केसीले साउन १६ गते उपकूलपतिमा रुपन्देहीका विनोद ढकाल तथा २० गते रजिष्टारमा रोल्पाका रेग भण्डारीलाई नियुक्त गरी सकेका छन् । बाँकेको खजुरामा केन्द्रीय कार्यालय स्थापना गरी कार्य सञ्चालन गरिएको छ भने विश्वबिद्यालय संचालनका लागि खजुरा गाँउपालिकाको वडा नम्बर ८ स्थित रनियापुर क्षेत्रमा १ सय बिगाहा जग्गा भोगाधिकारका लागि संघीय सरकारसँग माग गरिएको छ ।

निर्माण ब्यसायी समेत रहेका भुसाल सामाजिक क्षेत्रमा पनि सक्रिय छन् ।