बुटवल । लायन्सका जन्मदाता लायन मेल्भिन जोन्सको १ सय ४४ सौ जन्मोत्सव सप्ताहमा लायन्स क्लब अफ बुटवल खस्यौलीले न्यानो माया वितरण कार्यक्रम गरेको छ ।
सियारी गाउपालिका वडा नं ५ मा रहेका बिपन्न तथा फरक क्षमता भएका परिवारलाई क्लबले जाडोका कपडा वितरण गरि दिवस मनाएको हो ।
क्लबका निवर्तमान अध्यक्ष तथा कार्यक्रम संयोजक विष्णु उपाध्यायले पालिकाका ३० परिवारलाई पि फर्म, कम्मल, टोपी, मफलर बाडिएको बताए । समुदायलाई सामाजिक कार्यमा सहकार्य गर्ने गरि थोरै थोरै सहयोग जुटाएर कार्यक्रम गरिएको उनले बताए ।
कार्यक्रममा पुर्बगर्भनर एमजिएफ महेन्द्र नारायण श्रेष्ठ, सियारी ५ का वार्डअध्यक्ष धनपती खरेल, डिपुटी चिफ एमजिएफ मुक्ति प्रसाद श्रेष्ठ, एरिया चिफ एमजिएफ माधव खनाल, जोन चियरपर्सन दिपक श्रेष्ठले सहयोग सामाग्री हस्तान्तरण गरेका थिए ।
कार्यक्रममा क्लबका अध्यक्ष कमल देवकोटाले सो कार्यमा सहयोग गर्ने योङ स्टाइल स्टोर काठमाडौं, एचआरएम स्टोर्स काठमाडौं, मनकामना फेन्सी देविनगरका अनिश श्रेष्ठ ज्यु, फोर सिजन सुजका सनम थापा, जे एस स्टोर्सका सन्तोष थापा र जीवन राना, अमन गुरुङ, सुरेन गहतराज, हिमाल थापालाई विशेष धन्यबाद दिदै आगामी दिनहरुमा समेत सहकार्य गर्ने बताए ।
प्रतिक्रिया