काठमाडौं । जनमत पार्टीकी सांसद अनिता देवीले आफ्नो पार्टीको माग र प्रतिबद्धता पूरा गर्ने सर्तमा सरकारलाई समर्थन रहेको बताएकी छिन् ।
प्रधानमन्त्री पुष्पकमल दाहाल प्रचण्डले विश्वासको मतका लागि राखेको प्रस्तावमाथिको छलफलमा भाग लिँदै उनले आफ्नो पार्टीका मुख्य अजेन्डाहरु पनि प्रस्तुत गरिन् ।
नागरिकता विधेयक पारित गर्ने र नागरिकताको समस्या सधैंको लागि समाधान गर्ने, किसान आन्दोलनका मागहरु सम्बोधन गर्ने, शिक्षा, स्वास्थ्य र रोजगारीको क्षेत्रमा सकारात्मक प्रगति गर्ने र सकारात्मक वातावरण सिर्जना गर्ने लगायतका अजेन्डाहरु उनले प्रस्तुत गरिन् ।
उनले जनमत पार्टीलाई काखापाखा नगरी अगाडि बढ्न अन्य पार्टीलाई अनुरोध गरिन् । थ्रेस होल्ड राखी नयाँ पार्टीलाई आउन गाह्रो बनाइएकोमा उनको असन्तुष्टि थियो ।
प्रतिनिधि सभामा जनमत पार्टीको ६ सिट छ ।
प्रतिक्रिया