बुटवल । लुम्बिनी प्रदेशसभामा एकाले संसदीयदलका नेता लिला गिरि मुख्यमन्त्रीमा नियुक्तिका लागि दाबी प्रस्तुत गर्न लुम्बिनी प्रदेश प्रमुखको कार्यालय पुगेका छन् ।
सत्ता साझेदार दलका नेताहरु सहित ५८ जना प्रदेशसभा सदस्यको हस्ताक्षर सहित नेता गिरी मुख्यमन्त्री नियुक्तिका लागि प्रदेश प्रमुख कार्यालय पुगेका हुन् ।
प्रदेश प्रमुख अमिक शेरचनले दिएको समय सिमा सकिन ४ घण्टा बाँकी रहँदा गिरी दलबल सहित प्रदेश प्रमुख कार्यालय पुगेका छन् । गिरीलाई लुम्बिनी प्रदेशमा एमालेका २९, माओवादी केन्द्रका १०, राप्रपाका ४, जसपा र जनमतका ३-३ जना, नागरिक उन्मुक्तिसंग ४ तथा लोसपाको ३ सिट र स्वतन्त्र २ जना सांसदको समर्थन रहेको दाबी गरिएको छ ।
लुम्बिनी प्रदेशमा प्रदेशमा कांग्रेसका २७ र नेकपा एकीकृत समाजवादी र राष्ट्रिय जनमोर्चाका १-१ सदस्य छन् । ८७ प्रदेशसभा सदस्य रहेको लुम्बिनी प्रदेशमा सरकार गठनका लागि ४४ सांसदको समर्थन आवश्यक पर्दछ ।
५ वर्षकै लागि एमालेले मुख्यमन्त्री चलाउने शिर्श नेताहरुले गरेको सहमति प्रति असन्तुष्टी जनाउँदै माओवादी संसदीयदलका नेता जोखबहादुर महरा एक्कासी काठमाडौ पुगेपछि मंगरबार ४ बजेका लागि राखिएको दाबी प्रस्तुत गर्ने कार्यक्रम रोकिएको थियो । प्रधानमन्त्री प्रचण्डले आधा कार्यकाल मुख्यमन्त्री बनाउने आश्वासन दिएपछि महरा मंगरबार राती बुटवल फर्केको माओवादी स्रोतले दाबी गरेको छ । एमाले अध्यक्ष केपी ओली र प्रचण्डकाबीच भने आधा कार्यकालको सहमति भइनसकेको बताइएको छ ।
प्रतिक्रिया