काठमाडौं । पूर्वप्रधानमन्त्री शेरबहादुर देउवा र उनकी पत्नी एवं पूर्वमन्त्री आरजु राणा देउवाविरुद्ध पक्राउ पुर्जी जारी भएको छ ।
गैरकानुनी सम्पत्ति आर्जनसम्बन्धी अनुसन्धानका क्रममा सम्पत्ति शुद्धीकरण अनुसन्धान विभागले जिल्ला अदालत काठमाडौंबाट उनीहरूविरुद्ध पक्राउ अनुमति लिएको उच्च स्रोतले जनाएको छ ।
स्रोतका अनुसार अदालतले पक्राउ अनुमति दिइसकेको भए पनि देउवा दम्पत्ति हाल नेपालबाहिर रहेकाले तत्काल पक्राउ गर्न नसकिएको हो ।
यसअघि ‘जेनजी आन्दोलन’का क्रममा देउवाको बुढानीलकण्ठस्थित निवासमा नगद रकम फेला परेको विषय सार्वजनिक भएको थियो । त्यसपछि सम्पत्ति शुद्धीकरण अनुसन्धान विभागले उक्त निवासमा पुगेर मुचुल्का उठाएको थियो ।
उक्त घटनापछि विभागले पत्राचार गर्दै अनुसन्धान प्रक्रिया अघि बढाएकोमा हाल केन्द्रीय अनुसन्धान ब्युरो सिआइबीले थप अनुसन्धान अगाडि बढाइरहेको जनाइएको छ ।
प्रतिक्रिया