काठमाडौं । पोखरामा भएको विमान दुर्घटनामा भएको मानवीय क्षतिप्रति दुःख व्यक्त गर्दै चिनियाँ राष्ट्रपति सी चिनफिङले समवेदना व्यक्त गरेका छन् ।
राष्ट्रपति विद्यादेवी भण्डारीलाई चिनियाँ समकक्षी सीले सोमबार शोक सन्देश पठाउँदै विमान दुर्घटनाप्रति समवेदना व्यक्त गरेका हुन् ।
राष्ट्रपति सीले आफ्नो सन्देशमा नेपालमा भएको विमान दुर्घटनामा ज्यान गुमाउनेहरूप्रति गहिरो समवेदना प्रकट गर्दै र चिनियाँ सरकार र जनताको तर्फबाट शोक सन्तप्त परिवारप्रति गहिरो समवेदना प्रकट गरेको नेपालस्थित चिनियाँ दूतावासद्वारा जारी विज्ञप्तिमा उल्लेख गरिएको छ ।
यस्तै, चिनियाँ प्रधानमन्त्री ली खछ्याङले पनि सोमबार प्रधानमन्त्री पुष्पकमल दाहाल प्रचण्डलाई शोक सन्देश पठाएका छन् ।
प्रतिक्रिया