काठमाडौं । काठमाडौंको थापागाउँमा रहेको सर्टिफाइड कलेज अफ अकाउण्टेन्सी (सीसीए)ले अन्तर कलेज निबन्ध प्रतियोगिता गर्ने भएको छ ।
प्लस टु लेभल स्तरीय प्रतियोगितामा काठमाडौं उपत्यका भित्रका कलेजहरुले सहभागिता जनाउन सक्ने सीसीएका कार्यकारी निर्देशक मनिस शर्माले बताए।
दुई राउण्डमा हुने कम्पिटिसनमा सहभागी विद्यार्थीले पहिलो राउण्डमा कलेजले उपलब्ध गराएको विषयमा बढिमा एक हजार शब्दको निबन्ध लेखेर कलेजलाई मेल गर्नुपर्नेछ ।
प्राप्त निबन्धहरुमध्ये उत्कृष्ट निबन्ध लेख्ने १० विद्यार्थीलाई निर्णयक मण्डलले दोस्रो राउण्ड अर्थात फाईनल राउण्डमा छनौट गर्नेछन् । दोस्रो राउण्डमा छनौट भएका १० जनाले पुनः सातसय भन्दा कम शब्दको निबन्ध लेख्नुपर्नेछ । यो राउण्डमा राम्रो निबन्ध लेख्ने उत्कष्ट एकजनालाई बिजेता घोषणा गरिने शर्माले बताए ।
प्रतियोगिताको बिजेताले ३० हजार रुपैयाँ नगद प्राप्त गर्नेछन् भने फष्ट रनर्सअपले १५ हजार र सेकेण्ड रनर्सअपले १० हजार प्राप्त गर्नेछन् । यससँगै प्रतियोगितामा विद्यार्थीहरुले प्लस टु पछि एसीसीए पढ्न चाहेमा २५ हजार छुट पनि प्राप्त गर्न सक्ने सीसीएका एकेडेमिक डाइरेक्टर दिवस शिलवालले जानकारी दिए ।
प्रतियोगितामा सहभागी विद्यार्थीले माघ ६ गतेसम्ममा आफ्नो नाम दर्ता गराईसक्नुपर्नेछ । कम्पिटिसनमा एउटा कलेजबाट बढिमा २ जनाले सहभागिता जनाउन सक्नेछन् ।
* हेडलाइनमा ३० हजार हुनुपर्नेमा अन्यथा भएकोमा सच्चाएका छौं
प्रतिक्रिया