प्रतिनिधिसभाको उपसभामुखमा रास्वपाकी इन्दिरा रानामगर निर्वाचित
काठमाडौं । प्रतिनिधिसभाको उपसभामुखमा राष्ट्रिय स्वतन्त्र पार्टीकी इन्दिरा राना मगर निर्वाचित भएकी छिन् ।
आज शनिबार बसेको प्रतिनिधिसभा बैठकमा भएको मतविभाजनमा मगरको पक्षमा १६६ सांसदले मतदान गरेपछि उनी निर्वाचित भएकी हुन् ।
मगरले मत प्राप्त गरेको सभामुख देवराज घिमिरेले जानकारी दिँदै उनी निर्वाचित भएको घोषणा गरेका छन् ।
मगरलाई सत्ता गठबन्धनका दलहरुले समर्थन गरेका थिए ।
उनको विपक्षमा ९७ मत पर्यो । यस्तै एक जना तटस्थ रहे । प्रतिनिधिसभाको आजको बैठकमा २६४ जना सांसद उपस्थित थिए ।
मगर विजयी भएपछि विपक्षी गठबन्धनको तर्फबाट उम्मेदवार बनेकी मुक्ता यादवको पक्षमा मतविभाजन गर्नु नपरेको पनि सभामुख घिमिरेले जनाए ।
प्रतिक्रिया