काठमाडौं । सरकारले राष्ट्रिय योजना आयोगको उपाध्यक्षमा डा. मीनबहादुर श्रेष्ठलाई नियुक्त गरेको छ। नवनियुक्त राष्ट्रिय योजना आयोगको उपाध्यक्ष मीनबहादुर श्रेष्ठले पद तथा गोपनीयताको शपथ लिएका छन् ।
सिंहदरबारस्थित प्रधानमन्त्री तथा मन्त्रिपरिषद कार्यालयमा सोमबार प्रधानमन्त्री पुष्पकमल दाहाल प्रचण्डले उनलाई पद तथा गोपनीयताको शपथ ग्रहण गराएका हुन् ।
यसअघि पनि उनी योजना आयोगकै पूर्वउपाध्यक्ष र नेपाल राष्ट्र बैंकका पूर्वकार्यकारी निर्देशक हुन् । श्रेष्ठ यसअघि २०७३ भदौमा प्रचण्ड प्रधानमन्त्री हुँदा आयोगको उपाध्यक्ष भएका थिए । राष्ट्र बैंकमा उनले २८ वर्ष काम गरेका थिए।
यसैगरी आयोगको सदस्यमा डा. रामकुमार फुयाँल तेस्रो पटक नियुक्त भएका छन्। उनी यसअघि २ पटक गरी चार वर्ष सदस्य भइसकेका छन्।
प्रतिक्रिया