नेपालगन्ज । राज्यको आर्थिक नीतिलाई चुनौती दिंदै आत्मदाह गरेका व्यवसायी प्रेमप्रसाद आचार्यको स्मरणमा नेपालगन्ज उद्योग बाणिज्य संघले आधादिन उद्योग व्यवसाय बन्द गरेर शोक मनाउने भएको छ । काठमाण्डौमा व्यावसायी आचार्यले संघीय संसद अगाडि आत्मदाहको प्रयासपछि उपचारको क्रममा निधनको विषयमा शोक जनाउन संघले बिहीबार आधादिन आ–आफ्नो व्यवसाय पशल, कलकारखमान बन्द गरेर शाक मनाउने घोषणा गरेको हो ।
संघले बुधबार साँझ आफ्नै कार्यालयमा आयोजना गरेको पत्रकार सम्मेलनमा बोल्दै संघका अध्यक्ष अब्दुल वाहिद मन्सुरीले व्यावसायलाई नै धरासायी हुने गरी ल्याईएको अव्यवहारिक नीतिका कारण व्यवसायीले आत्मदाह गर्ने अवस्था आएको बताए । उनले सरकारको ध्यानाकर्षण गर्न र स्व. आचार्यप्रति श्रद्धाञ्जली ब्यक्त गर्नको लागि बिहीबार आधादिन व्यवसाय बन्द गरी शोक मनाउने निर्णय भएको जानकारी दिए । सोही दिनत नेपालगन्जको धम्बोझी चोकमा शोकसभाको आयोजना गरिने पनि उनले जानकारी दिए ।
उनले स्व. आचार्यले उठान गरेका विषयहरु जायज रहेको भन्दै राज्यको अव्वहारिक नीतिका कारण अझै पनि अकल्पनिय घटना हुनसक्ने चेतावनी दिए । नीजि क्षेत्रलाई प्रताडित बनाउने नीतिमा सुधार ल्याउन उनले माग गरे ।
पत्रकार सम्मेलनमा संघका महासचिव चिरञ्जिवी ओली, कोषाध्यक्ष रामप्रसाद न्यौपाने, प्रवक्ता टंक धामी, सदस्य भिमबहादुर रानाभाटलगायतको उपस्थिति रहेको थियो
प्रतिक्रिया