धनगढी । सुदूरपश्चिम प्रदेशका मुख्यमन्त्री राजेन्द्र सिंह रावल पदमुक्त भएका छन् ।
बिहीबार बसेको प्रदेशसभाको बैठकमा मुख्यमन्त्री रावलले राखेको विश्वासको मतको प्रस्ताव बहुमतले अस्वीकृत भएपछि उनी पदमुक्त भएका हुन् ।
सभामुख भीम भण्डारीले विश्वासको मतको प्रस्ताव बहुमतले अस्वीकृत घोषणा गरेका छन् ।
गत २७ पुसमा मुख्यमन्त्रीमा नियुक्त रावलले बिहीबार (२६ माघ) भित्र प्रदेशसभाबाट विश्वासको मत लिइसक्नुपर्ने थियो ।
तर, सरकार बनाउँदा समर्थन गरेको नागरिक उन्मुक्ति पार्टीका सांसद भने बैठकमा अनुपस्थित भएका कारणले रावलले विश्वासको मत पाउन सकेनन् ।
प्रतिक्रिया