बुटवल । बुटवल ११ मा रहेको तिनाउ इङ्लिस बोर्डिङ स्कुलमा संचालित खेल महोत्सव सम्पन्न भएको छ ।
माघ २७ गतेदेखि विभिन्न तहमा संचालित खेल महोत्सवमा उत्कृष्ट भएका बिद्यार्थीलाइ शुक्रबार एक समारोहका बिचमा पुरस्कार बितरण गरिएको हो ।
खेलमा ३६ विभिन्न बिधामा १ हजार २ सय विद्यार्थीहरु सहभागि भएका थिए ।शुक्रबार पुरस्कार तथा प्रमाणपत्र बितरणका साथै सास्कृतिक कार्यक्रम समेत गरिएको छ । स्कुलकी प्राचार्य सीता पाण्डको अध्यक्षता तथा बिद्यालय ब्यवस्थापन समिती अध्यक्ष यज्ञमुर्ती पाण्डेको प्रम्ख आतिथ्यमा कार्यक्रम गरिएको हो ।
उत्कृष्ट खेलाडीहरुलाइ अध्यक्ष पाण्डे, प्राचार्य सीता पाण्डे,स्कुलका संयोजक नारायण पोख्रेल, सह संयोजक अग्निधर पोख्रेलले पुरस्कार बितरण गरे । कार्यक्रममा बोल्दै प्राचार्य सीता पाण्डेले सहभागि सबैलाइ धन्यवाद र पुरस्कृतलाइ बधाइ दिदै आगामी दिनमा अझै उत्कृष्ट खेल देखाउन आग्रह गरे ।
प्रमुख अतिथि पाण्डेले तिनाउलाइ अध्ययनसंगै खेलकुद तथा विभिन्न बिधामा उत्कृष्ट बनाउने गरि विद्यार्थी तथा शिक्षकले पनि मेहनत गर्नुपर्ने धारणा राखे । कार्यक्रमको संचालन कविता थापा र सुस्मिता आचार्यले गरेका थिए ।
प्रतिक्रिया