काठमाडौं । परराष्ट्र मन्त्री विमला राई पौड्यालको जेनेभा भ्रमणमा प्रधानमन्त्री पुष्पकमल दाहाल ‘प्रचण्ड’ले हस्तक्षप गरेका छन् । जेनेभाकालागि प्रस्थान गर्न केहि घण्टा बाँकी रहँदा प्रधानमन्त्री प्रचण्डले परराष्ट्रमन्त्रीको भ्रमण रोकिदिएका हुन् ।
मन्त्री पौड्यालकी सञ्चार संयोजक यशोदा अधिकारीका अनुसार ६ बजेको फ्लाइटमा मन्त्री पौड्याल जेनेभा प्रस्थान गर्ने कार्यक्रम रहेकोमा दिउँसो साढे तीन बजेतिर प्रधानमन्त्री कार्यालयबाट फोन गरेर भ्रमण स्थगित गर्न भनिएको थियो ।
यसअघि बिहान ११ बजे पत्रकार सम्मेलन गरेर मन्त्री पौड्यालले आफू जेनेभा जान लागेको जानकारी दिएकी थिइन्।
आफ्नो भ्रमण अन्तिम समयमा किन रोकिएको भन्नेबारे आफूलाई कुनै जानकारी नदिइएको पौड्यालले बताएकी छन् ।
परराष्ट्र मन्त्री विमला राई पौड्याल संयुक्त राष्ट्रसंघीय मानव अधिकार परिषद्को बैठकमा भाग लिन जेनेभा जान लागेकी थिइन् ।
भ्रमण रोकिएको विषयमा प्रधानमन्त्रीको सचिवालयबाट भने कुनै प्रतिक्रिया सार्वजनिक गरिएको छैन ।
प्रतिक्रिया