काठमाडौं । प्रधानमन्त्री पुष्पकमल दाहाल प्रचण्ड चितवन जान लागेका छन् ।
प्रधानमन्त्री प्रचण्ड चितवन जाने भएपछि आज बिहान मन्त्रालय बाँडफाँटका लागि बसेको सत्तारुढ गठबन्धनको बैठक दिउँसो बस्ने गरी स्थगित भएको छ ।
मन्त्रालयको संख्यामा सहमति गरेको गठबन्धनबीच कुन मन्त्रालय कसले पाउने भन्ने विषयमा भने अझै सहमति जुटाउन बाँकी रहेको छ ।
प्रचण्ड चितवनबाट फर्किएपछि दिउँसो पुनः बैठक बसेर आजै अपरान्हसम्म मन्त्रिपरिषद् विस्तार गर्ने योजना रहेको छ । मन्त्रीहरुलाई आजै सपथ गराउने तयारीमा प्रधानमन्त्री प्रचण्ड रहेका छन् ।
प्रधानमन्त्री प्रचण्ड भरतपुर विमानस्थलको टर्मिनल भवनको शिलन्यासका लागि चितवन जान लागेका हुन् ।
प्रतिक्रिया