२७ जेष्ठ २०८०, शनिबार | June 11, 2023

प्रधानमन्त्री प्रचण्डद्वारा सातौंपटक मन्त्रिपरिषद् विस्तार



काठमाडौं । प्रधानमन्त्री पुष्पकमल दाहाल प्रचण्डले मन्त्रिपरिषद् विस्तार गरेका छन् ।

तीन महिनामा सातौं पटक पुनर्गठन भएपनि मन्त्रिपरिषद्ले पूर्णता भने पाउन सकेन । कांग्रेस, एकीकृत समाजवादी, जनता समाजवादी पार्टी जसपा, लोकतान्त्रिक समाजवादी पार्टी लोसपा, नागरिक उन्मुक्ति पार्टी, नेपाल समाजवादी पार्टी, आम जनता पार्टीलाई समेटेर प्रधानमन्त्री प्रचण्डले मन्त्रिपरिषद् विस्तार गरेका हुन् ।

कांग्रेस र जनता समाजवादी पार्टीभित्र मन्त्री बन्ने विषयले टुंगो नलाग्दा पाँच प्रधानमन्त्री प्रचण्डलाई पाँच मन्त्रालय अझै केही दिन सम्हानु पर्ने भएको छ भने मन्त्रिपरिषद् विस्तार हुनुकेही समयअघि मात्रै खानेपानीमन्त्री अब्दुल खानले समेत राजीनामा दिएका छन् । अब प्रधानमन्त्रीको टाउकोमा ६ वटा मन्त्रालयको बोझ रहनेभएको छ ।

कांग्रेसबाट पूर्णबहादुर खड्कासहित चार जना मन्त्री बनेका छन् । खड्का उपप्रधानमन्त्री एवं रक्षामन्त्री बनेका छन् । अर्थमन्त्री डा प्रकाश शरण महत बनेका छन् भने रमेश रिजाल उद्योग वाणिज्य तथा आपूर्ति मन्त्री र सीता गुरुङ शहरी विकास मन्त्री बनेका छन् । परराष्ट्रमन्त्रीसहित बाँकी तीन मन्त्री टुंग्याउन कांग्रेसले सकेको छैन ।

यसैगरी, माओवादीले उर्जा मन्त्रालय थप पाएपछि शक्ति बस्नेत मन्त्री बनेका छन् । । माओवादीले पाँच मन्त्रालय पाएको छ । यसअघि उपप्रधानमन्त्री एवं भौतिक योजना मन्त्री रहेका नारायणकाजी श्रेष्ठ उपप्रधानमन्त्री एवं गृहमन्त्री बनेका छन् । माओवादीले पाएका बाँकी मन्त्रालयका मन्त्री भने साविककै रहेका छन् ।

यस्तै, नेकपा एकीकृत समाजवादीबाट बेदुराम भुसाल कृषि तथा पशुपंक्षी विकास मन्त्री र प्रकाश ज्वालाले भौतिक पूर्वाधार तथा यातायात मन्त्रीबनेका छन् ।

जनता समाजवादी पार्टीबाट अशोक राई मात्र मन्त्री बनेका छन् । दुई मन्त्रालय पाएको जसपाको अर्को मन्त्री टुंगो लगाएको छैन । राई शिक्षा, विज्ञान तथा प्रविधि मन्त्री बनेका छन् ।

यस्तै, लोसपाबाट शरद सिंह भण्डारी श्रम, रोजगार तथा सामाजिक सुरक्षा मन्त्री बनेका छन् ।

नाउपाबाट रञ्जिता श्रेष्ठ भूमि व्यवस्था, सहकारी तथा गरिबी निवारण मन्त्री बनेकी छिन् ।

नेसपाबाट महिन्द्र राय यादव महिला, बालबालिका तथा ज्येष्ठ नागरिक मन्त्री बनेका छन् ।

प्रकाशित मिति : १७ चैत्र २०७९, शुक्रबार  ३ : १८ बजे

सीमानाकामा प्रदेश मन्त्रीको निर्देशनमा मलखाद भित्राउन छुट ! पाल्पामा धमाधम बरामद

पाल्पा । आजै बिहान नवलपरासीबाट पाल्पाको रामपुरतर्फ जाँदै गरेको लु

प्रधानमन्त्री प्रचण्ड केही मन्त्रीसहित पशुपतिमा

काठमाडौं । प्रधानमन्त्री पुष्पकमल दाहाल ‘प्रचण्ड’ले आज साँझ पशुपति क्षेत्रको

ग्रेस ईन्टरनेशनलकाे नि:शुल्क माेटिभेसनल सेमिनार जेठ ३० गते बुटवलमा हुँदै

बुटवल । ग्रेस ईन्टरनेशनल बुटवलले मोटिभेसनल सेमिनारको तयारी पूरा गरेको

सरकार ‘फेसलेस गभर्नेन्स’ तर्फ उन्मुख छ : सञ्चारमन्त्री शर्मा

ललितपुर । सञ्चार तथा सूचना प्रविधिमन्त्री रेखा शर्माले मोबाइल डिभाइस

आउँदो मंगलबारबाट नेपालमा मनसुन प्रवेश हुने पूर्वानुमान

काठमाडौं । नेपालमा आउँदो मंगलबारदेखि गर्मी केही कम हुने पूर्वानुमान