चितवन । प्रधानमन्त्री पुष्पकमल दाहाल प्रचण्डले आजै मन्त्रिपरिषद् विस्तार गरी मन्त्रीहरुको शपथ गराउने तयारीमा रहेको बताएका छन् ।
चितवनको भरतपुर विमानस्थलको नयाँ टर्मिनल भवन उद्घाटन कार्यक्रमलाई आज सम्बोधन गर्दै प्रधानमन्त्री प्रचण्डले आजै बेलुका मन्त्रिपरिषद विस्तार गर्ने लक्ष्य रहेको बताएका हुन् । उनले सकभर आज नभए भोलि बिहान मन्त्रिपरिषद विस्तार गर्ने उनले बताए ।
‘सकेसम्म यहाँबाट १ बजे फर्केर जाने र आजै मन्त्रिमण्डल विस्तार गरेर शपथ ग्रहण गराउने मेरो लक्ष्य छ’, प्रचण्डले भने, ‘आज नसकिए भोलि बिहान होला, काम त हाम्रो सकिएको छ । एक दुईटा मन्त्रालय थोरै मिलाउन बाँकी छ । बाँकी टुंगिएको छ ।’
प्रचण्डले राजनीतिक स्थायित्वलाई नयाँ गति दिने सङ्कल्पसहित यसपटक आफू प्रधानमन्त्रीको जिम्मेवारीमा रहेको पनि बताए । उनले चितवनको विकासमा आफु लागिरहने प्रतिवद्धता पनि जनाए ।
प्रतिक्रिया