निमुखा र गरिबको
रगत र पसिना चुसेर
ठडिएको महल, महल हैन त्यो !
म भन्छु
उपियाँको खाडल हो त्यो !
…………
आफ्नो स्वार्थको लागि
अघि पछि नाचिरहेर
चुसि चुसि खोक्रो पार्ने
नियति हो त्यो !
…………
सुनको थालमा खाइ, चुठेर
सामाजिक संजालमा खोक्रो
गरिबी माया देखाउने
नाटकीय प्रदर्शनी हो त्यो !
म भन्छु
उपियाँको रङ्गमञ्च हो त्यो !
…………
आफ्नाबारे आफै प्रचार गर्ने
एउटा माध्यम हो त्यो
कसैले तपाईं भनोस नभनोस
आफै मपाईंं गर्न लडने ठाउँ हो त्यो !
म भन्छु
उपियाँको खेल मैदान हो त्यो !
…………
देखावटी संसारलाई छारो हाल्ने
रंगिन कपडा पछाडि लुकेको
वास्तविक कालो धन हो त्यो !
म भन्छु
उपियाँको दैनिकि हो त्यो !
…………
उपियाँको खाडल हो त्यो !
उपियाँको नियति हो त्यो !
उपियाँको रङ्मन्च हो त्यो !
उपियाँको खेल मैदान हो त्यो !
उपियाँको दैनिकी हो त्यो !
म भन्छु
उपियाँको साम्राज्य हो त्यो !
प्रतिक्रिया