काठमाडौं । आफ्नै पार्टिका एक नेतासँग वार्ता गर्न अर्का नेताको संयोजकत्वमा वार्ता समिति बनाएर एमालेले राजनीतिमा नयाँ शैलीको सुरुवात गरेको छ । एमाले सचिवालयको बैठकले आफ्नै पार्टीका पूर्वउपाध्यक्ष डा. भीम रावलसँग संवाद गर्न तीन सदस्यीय टोली गठन गरेर नयाँ शैलीको आरम्भ गरेको हो ।
शनिबार बसेको एमालेको सचिवालय बैठकले पार्टी उपाध्यक्ष विष्णु पौडेलको संयोजकत्वमा पूर्व उपाध्यक्षसँग वार्ता गर्न टोली गठन गरेको हो । टोलीको सदस्यमा प्रदेश इञ्चार्ज लेखराज भट्ट र कर्ण थापा रहेका छन् । रावलसँग वार्ता गर्न ३ सदस्सीय टोली गठन गरिएको एमालेका उपमहासचिव तथा प्रचार विभाग प्रमुख पृथ्वी सुब्बा गुरुङले जानकारी दिए ।
उनले पार्टीका पूर्व उपाध्यक्ष भीम रावलले पार्टीमै रहेर पनि विधान नमानी बसेकाले संवाद गरेर समस्या समाधान गर्न समिति बनाइएको बताए ।
मिसन ग्रासरुटका क्रममा सुदुर पश्चिम पुगेका उपाध्यक्ष पौडेल सहितका नेताहरु उपस्थित कार्यक्रमलाई रावल समर्थक एमाले कार्यकर्ताहरुले बिथोलेका थिए । पौडेल र रावल दुबैजनाले सुदुरपश्चिम प्रदेश राजधानी धनगढीमा पत्रकार सम्मेलन गरेर पार्टी कमजोर बनाउने काममा लागेको एकले अर्कालाई आरोप लगाएका थिए ।
प्रतिक्रिया